【幕後玩家】由冇嘢撈到入決賽 達歷你好嘢

20180714
東網電視
更多新聞短片
(Getty Images)
即上彩報世盃專頁:http://win.on.cc/football/cup2018/ 
克羅地亞以半冷身份殺入世界盃決賽,比20年前黃金一代更勝一籌。克羅地亞夠神奇,佢哋個主帥仲神奇,51歲嘅達歷以前唔係球星,大半年前喺屋企冇嘢撈量緊地,點估到佢會係世盃決賽教頭,甚至有機會做世盃冠軍教頭?
達歷在前南斯拉夫波斯尼亞出生,但其成長及球員生涯都在克羅地亞度過,國籍亦係克羅地亞,掛靴後展開教練生涯,係克國名帥巴拉斯域徒弟,但真正發迹地方係亞洲足球,2010年起前赴中東,先後執教沙特阿拉伯及阿聯酋球隊,協助當地隊伍贏得多項冠軍,2016年率領阿聯酋嘅艾阿恩殺入亞冠盃決賽,最終不敵全北汽車得亞軍。
2017年達歷回到克羅地亞,但冇球隊執教,喺屋企踎躉之際,同年10月克羅地亞以成績為由怒炒前任領隊卡斯錫,達歷獲得千載難逢機會,而佢上任短短兩日就領軍擊敗烏克蘭,取得小組次名附加賽資格,再喺附加賽砌低希臘,協助格仔兵團殺入決賽周。
達歷喺球圈評價唔錯,背後有名帥巴拉斯域做靠山,佢對住陣中幾位大佬級球星都好畀面,但同時又鐵腕治軍,決賽周首仗擊敗尼日利亞後,由於卡連歷扭計唔肯做後備,佢直接將卡連歷開除送返屋企,此舉在球員名額珍貴嘅世界盃賽場極之罕見。
卡連歷被驅逐出隊後,克羅地亞之後一仗就大炒阿根廷3比0,早前入到4強對英格蘭賽前,再因政治口號辭退助教胡積高域,每次炒人後都贏波,達歷治軍的確有計。
東網體育FB同你追實體壇每個精彩時刻!
Follow東網體育IG一齊撐本地運動員!