演員梗係欣賞演員！ 韋史密夫喪讚尼馬
20180714
東網電視
更多新聞短片
韋史密夫(右)話鍾意巴西同尼馬。(互聯網)
即上彩報世盃專頁：http://win.on.cc/football/cup2018/
尼馬喺俄羅斯世盃插水詐死呃球證，成為全世界恥笑對象，就連荷蘭傳奇射手雲巴士頓都要補多刀話佢唔掂。唔知有心定無意，荷里活影帝級巨星韋史密夫竟然話，最鍾意嘅世盃球星就係尼馬，搞到網友話佢演員梗係欣賞演員！
韋史密夫咁講：「巴西係我最鍾意嘅球隊，我自細就鍾意比利，依家就最鍾意尼馬，我同佢關係真係幾好，佢有非常唔錯嘅表現，不過人總有高峰同低谷，就好似我嘅電影，有時候似《天煞-地球反擊戰》，有時候似《超智特務顯神通》。」其實韋史密夫言談間，似乎都知道尼馬犯眾憎，或者對方嘅演技，真係贏到佢嘅認同啦！
Follow東網體育IG一齊撐本地運動員！
東網體育FB同你追實體壇每個精彩時刻！