波衫上多粒星！法國躉慶捧盃High到裸跑
20180716
東網電視
更多新聞短片
（美聯社圖片）
即上彩報世盃專頁：http://win.on.cc/football/cup2018/
法國捧世界盃，波衫上面成功多咗粒星，法國人會點？梗係開心到難以形容啦！世界盃決賽上演入球騷，法蘭西兵團憑對手一個烏龍波打開紀錄，之後憑基沙文攻入12碼，保羅普巴及基利安麥巴比於下半場各入一球，以4:2殺敗克羅地亞捧盃，成千上萬於凱旋門及香舍麗榭大道睇波嘅法國球迷瘋狂慶祝，更有球迷High到裸跑贈興！
法國於決賽順風順水，好快就因克國前鋒文迪蘇傑擺烏龍領先，於法國露天睇波嘅球迷已經High爆，球隊一直贏到尾，當中更不乏精彩入球，令Fans極度亢奮，不斷揮舞手上國旗。到球證鳴笛法國贏波，現場歡呼聲震耳欲聾，瘋狂慶祝嘅不夜天派對終極展開，更有球迷除到一絲不掛由街頭跑到街尾，全國都為國家隊取得史上第二座世界盃而興奮。
東網體育FB同你追實體壇每個精彩時刻！