東網電視
更多新聞短片

梁嘉恆透露,主教練陳曉明是他轉會的主要原因。(陳焌鏗攝)
1/3
港超聯球會理文周二(17日)開操,其中今季新加盟的澳門足球代表隊前鋒梁嘉恆揚言:「我想今季入10球波!」
上季效力香港飛馬的梁嘉恆透露轉會全因主教練陳曉明:「因為我想轉個環境,同埋之前喺澳門隊都跟過『陳Sir』(陳曉明),所以佢一問我就好快應承。另外,我之前成日帶傷上陣,其實對自己心理都好大影響,而『陳Sir』好顧球員狀態、心理,所以都係一拍即合。」
主教練陳曉明以專業為目標,而梁嘉恆則希望繼續學習:「首先要學識管理好自己身體,例如:飲食、作息等等,其次就係職業球員嘅態度,期望喺『陳Sir』帶領下,可以繼續學習成為一個職業球員。」
梁嘉恆現時雖傷癒,但仍需時間重拾節奏:「依家慢慢跟到練波,之前有啲簡單嘅傷患,但係喺澳門處理得唔好。而理文嘅醫療團隊好幫我,希望係佢哋幫助下,可以見到另一個自己。」

梁嘉恆表示希望今季能夠取得10個入球。(陳焌鏗攝)

(陳焌鏗攝)