【King波經】從法國捧盃 睇到拯救國足良方
20180719
東網電視
更多新聞短片
(Getty Images)
法國以平穩姿態，無驚無險捧走今屆世界盃冠軍，有眼紅人士寸佢哋係「非洲球隊」，因為23人大軍名單之中，有15人擁有非洲國籍或血統，大半隊都係黑人。
不過，全球化趨勢之下，民族大融合已經無法避免，堅持「純正血統」只會固步自封。事實上，以往以「純正血統」見稱嘅國家隊，已經滲入唔少外族，甚至唔同膚色嘅人。
例如以「日耳曼人」自居嘅上屆世界盃冠軍德國，就有加納裔嘅謝路美保定、土耳其裔嘅奧斯爾等。意大利捧2006年世界盃冠軍，亦有阿根廷人甘莫蘭尼斯。
就算鄰近國家日本傳統上更加堅持「大和民族」正統，但1998年首次參加世界盃，都有巴西裔前鋒呂比須。
既然13億中國人口之中，搵唔到11人識踢波，就係時候打破舊有思想，吸納「外國勢力」幫手，包括向中超外援招手。廣州恒大之前只係用3個外援踢正選，已經可以稱霸亞洲。
如果國足同樣有3個高質歸化兵助陣，或者未必可以成為亞洲一哥，但應該可以佔1席位參加世界盃決賽周，當然前題係人哋肯唔肯着你件國家隊球衣。
文：阿King
東網體育FB同你追實體壇每個精彩時刻！
Follow東網體育IG一齊撐本地運動員！