【燒錢帝國】利物浦喪洗18億　最後拼圖完成

利物浦宣布簽入巴西國家隊首席門將艾利臣比加後，今個暑假買人花費1.78億英鎊(約18億港元)，燒錢能力冠絕全球！「紅軍」經過連串增兵後，依家前、中、後3線人腳都非常鼎盛，大批利迷豪言爭標最後一塊拼圖已經完成，新球季全力挑戰曼城冠軍寶座！

「紅軍」領隊高普近2季瘋狂買人，上年夏天簽入「埃及球王」穆罕默德沙拿後，前線嘅「埃及文明」組合堪稱世界頂尖，上季輸係輸在中場後連環派膠，所以高普今年1月用7,500萬鎊買入荷蘭中堅華基爾雲迪積克，今個夏天又引入拿比基達(5,850萬鎊)同法賓奴泰華利斯(4,050萬鎊)2位中場，加埋梳頓沙基利(1,300萬鎊)增強後備力量，依家連唯一弱點龍門都換埋，難怪足智彩都列佢哋為4.5倍奪標次熱，仲熱過曼聯添呀！

東網體育FB同你追實體壇每個精彩時刻！

http://bit.ly/2ecTF2A