【奧燒大控訴】「贏就德國人輸就新移民」躁！
20180723
東網電視
更多新聞短片
(Getty Images)
德國29歲中場奧斯爾在個人社交網站宣布，退出德國國家隊，不再為日耳曼戰車效力。今次「奧燒」結束代表隊生涯內情複雜，包括今屆世界盃失利、個人踢法、傳媒及球迷批評，更牽涉到種族身份同政治等問題，令這位德國10號心灰意冷，決定卸下戰袍，同德國隊劃清界線。
距離德國隊在世界盃小組賽出局將近一個月，這段時間奧斯爾成為箭靶，傳媒同球迷日鬧夜鬧，似乎認定係佢一個累全家，而奧斯爾終於不再沉默，在社交網站發表長文，向公眾表明自己立場。
今次世界盃失利，傳媒將奧斯爾及根度簡土耳其裔嘅身份大造文章，大鬧佢哋分心兩國，並以一張與土耳其總統埃爾多安合照來肆意攻擊，當中包含種族歧視及不尊重。
奧斯爾批評德國媒體針對佢，對佢有雙重標準：「當球隊贏波，我就係德國人，當輸波我就係新移民，咁公平咩。」
奧斯爾又指波蘭裔嘅昔日國家隊隊友普多斯基同高路斯從未被球迷稱為「德國籍波蘭人」，佢反問︰「點解我被稱為『德國籍土耳其人？』，因為土耳其？因我係穆斯林？」
最令奧斯爾失望就係德國足總主席Reinhard Grindel，呢位高官不但冇幫過球員，仲企埋傳媒同球迷一方攻擊奧斯爾，效力國家隊9年，上陣92次入23球，贏得2014年世界盃冠軍嘅奧斯爾亦對德國隊唔再留戀。
東網體育FB同你追實體壇每個精彩時刻！
Follow東網體育IG一齊撐本地運動員！