性別歧視！巴塞女足影完相被趕去......
20180727
東網電視
更多新聞短片
正所謂若要人不知，唔好太低B！西甲班霸巴塞隆拿近日拉隊遠征美國出戰國際冠軍盃，今次難得係就連巴塞女子隊亦同時出發，變成歷史性首次男女子隊混合遠征，自然值得紀念。
巴塞官網隨後上載部份男女子隊隊員喺商務客位嘅合照，睇落對班球員認真唔錯，不過事後有人睇片同睇埋女隊隊員喺社交網放嘅相，先發現原來合照過後，女子隊員要返番去擠逼嘅經濟倉，唔少人都插爆巴塞係大細超兼性別歧視，呢次公關災難堅係唔知點收科？
不過，你有你鬧，巴塞女隊成員隨後就企出嚟解畫，強調係由於女子隊好遲先決定隨行，所以好多嘢都未必搞得切。至於巴塞官方就解釋，話係因為商務客位唔夠，所以只能對女隊提供經濟位，但同時強調經濟位都係畀女隊成員2人坐3位咁話，真係信不信由你呀！
東網體育同你追實體壇每個精彩時刻！