後尼馬年代43億買人唔手軟 巴塞燒錢No1
20180727
東網電視
更多新聞短片
(互聯網)
西甲班霸巴塞隆拿日前成功由法甲波爾多買入巴西新星馬爾甘菲臘比，轉會費高達4,100萬歐元，另加100萬歐元浮動條款。西班牙《阿斯報》隨後就為佢哋自上季賣走尼馬之後做統計，包括買入巴西中場艾法亞美路同法國守將基文迪朗格勒，以至之前冬天嘅菲臘比古天奴等，發現佢哋喺「後尼馬年代」足足用咗多達4.7億歐元(約43億港元)去買人，較同期諸如曼城(3.87億歐元)、巴黎聖日耳門(3.73億歐元)及利物浦(3.5億歐元)都為高，絕對係球壇燒錢No1。
不過，咪以為「地上最強」係洗腳唔抹腳，佢哋其實過去一年喺賣尼馬、馬斯真蘭奴、基斯甸泰路同迪路菲奧等，都進帳大約2.5億歐元，再加上嚟緊佢哋極有可能將耶利文拿、阿歷斯維度及安祖高美斯清貨賣走，總收入都會去到3.5億歐元，想佢哋做到收支平衡，機會絕對樂觀。
東網體育同你追實體壇每個精彩時刻！