留定個位等你！曼聯新季揭幕戰有神秘嘉賓
20180731
東網電視
更多新聞短片
(Getty Images)
英超勁旅曼聯新季揭幕戰，會係喺下周末主場對住李斯特城。新季奧脫福主場第一擊，根據英國傳媒最新消息，「紅魔鬼」隨時會有一位超重量級神秘嘉賓到場打氣，呢個就係曼聯傳奇領隊費格遜喇！
呢位今年已經76歲嘅傳奇名帥，今年5月6日因為腦出血入院，經治療後持續向好。幾日前，佢仲拍咗段片同球迷報平安，同時仲話自己放唔低曼聯，今季稍後時間會返嚟球場睇波咁話。
事實上，根據內部消息人士講，費爵爺嘅病情好轉程度，其實較預期更好，依家曼聯內部都討論緊，費Sir甚至最快可能喺揭幕戰到場添！各位魔迷應該可以放心啦！
東網體育同你追實體壇每個精彩時刻！