冷水照頭淋！莫連奴話最多簽1個球員
20180801
東網電視
更多新聞短片
曼聯喺美國之旅最後一場熱身賽2比1險勝皇家馬德里，領隊莫連奴賽後繼續談論增兵問題，原本球迷期待球會喺轉會市場最後關頭掃貨，不過「寸王」就話頂盡只簽1個人：「我有信心會喺轉會窗完結前簽1個球員，但2個似乎冇乜可能。」莫連奴之後再「有骨」咁寸曼聯高層唔支持佢：「其實所有球會都一樣，領隊梗係想要簽好多球員，不過球會通常有唔同嘅決定，正常情況下你唔會得到你想要嘅嘢。所以，如果簽到1個我就收貨啦！」
據報莫連奴目標位置係中堅，熱刺嘅艾達韋列特、李斯特城嘅哈利馬古尼同巴塞隆拿嘅耶利文拿都係熱門人選，不過哈利卡尼等巨星就唔使旨意啦！
東網體育FB同你追實體壇每個精彩時刻！