【英超Kick Off】新返WAG！小狼女夠胸狠
20180811
東網電視
更多新聞短片
Daniela Basso(互聯網)
英超比賽除咗球員鬥技術之外，場邊場外嘅WAG(球員女伴)爭艷鬥麗，亦相當精彩，今季有新升班球隊，加上由其他聯賽來投嘅球員帶埋另一半登陸，令英超WAG增添更多新鮮感。
新升班狼隊前鋒魯爾占美尼斯嘅女友Daniela Basso索爆跑出，呢位墨西哥女星五官標緻，擁有一對水汪汪大眼睛，放電Watt數強勁。
Daniela唔止樣靚，身材亦相當正，上圍豐滿之餘，仲有一條纖腰，有「墨國小腰精」之稱，認真煞食。
另一支新升班球隊富咸，亦有新WAG提升顏值，由比錫達斯加盟嘅西班牙門將法比，佢老婆Adriana Reveron係前西班牙小姐亞軍，參選過2008年地球小姐同2010年環球小姐，堪稱最索人妻！
韋斯咸新兵菲臘安達臣嘅女友Evelyn Machry亦好有睇頭，佢係運動同旅遊達人，跑步、健身、籃球同極限運動乜都啱，所以同男友有勁多共同話題，而且佢唔止樣靚，仲喺巴西聖保羅完成咗商業碩士課程，加上超模身材，網友都話好想有個咁嘅女友。
東網體育FB同你追實體壇每個精彩時刻！
Follow東網體育IG一齊撐本地運動員！