【已經零買人】熱刺早場冇埋卡尼阿里？
20180811
東網電視
更多新聞短片
（互聯網）
英超新季未開，熱刺就破紀錄勁吸睛，成為自2003年後，首支於夏季轉會窗零收購球員嘅球隊，新季將會以地樁球員應戰。其實熱刺班底人腳唔曳，如果冇傷冇病都力足應付英超同歐聯兩條戰線；不過一眾世盃腳如隊長哈利卡尼、迪利亞里、捷比亞、洛里斯、艾達韋列特同維頓漢，放完假回歸球隊不足一周，今晚英超7點半早場對紐卡素未必正選上陣，咁就麻煩啲喇。
雖然基斯甸艾歷臣同孫興民，因為於世盃較早出局而提早回歸，今戰可以落場，但如果冇咗哈利卡尼同迪利亞里，用洛蘭迪同盧卡斯莫拉等，戰鬥力肯定減弱。縱然熱刺以大量二線兵，於國冠盃表現唔錯，但今仗作客紐卡素實在唔易打，失分唔奇。
東網體育FB同你追實體壇每個精彩時刻！