英超鬥「哈」 車仔冇夏神有咩嘢睇?

2018年08月11日 20:30
東網電視
更多新聞短片
(互聯網)

周五深夜新季英超正式開打,曼聯旗開得勝搞掂李斯特城,周六晚就有熱刺同車路士出場。車仔今季轉領隊,前拿玻里主帥沙利接替干地領軍,今場王牌夏薩特勢將缺陣,咁今仗車仔有咩好睇呢?當然係全球最貴門將阿列沙巴拿加啦!

呢名西班牙23歲門神,剛以7160萬鎊由畢爾包來投,速即打破利物浦門將艾利臣比加6500萬鎊嘅身價紀錄。阿列沙巴拿加上季於畢爾包表現出色,成西甲撲救次數最多第三名,而且又係成功傳送最多門將,絕對擁有不俗實力。不過佢年紀尚輕,現背負世界最貴門將嘅巨大壓力,就睇吓佢處子戰表現如何。

另外剛由皇馬以借將身份加盟嘅高華錫,因為狀態未足唔會上陣,不過佐真奴費路就肯定正選登場。呢名意大利國腳係領隊沙利愛將,拿玻里可以打出悅目攻擊足球,佐真奴費路絕對係發電機,呢名傳波有一手嘅好波之人,亦絕對值得一睇。

東網體育FB同你追實體壇每個精彩時刻!
http://bit.ly/2ecTF2A