熱愛這片土地 杜敬謙真.香港飛魚

2018年08月12日 08:00
東網電視
更多新聞短片

13項香港游泳紀錄,一切源自杜敬謙(Kenneth)2016年由澳洲轉籍香港,兩年間Kenneth努力學好廣東話,即使同樣面對「上車」難題,仍堅持於出生地落地生根,目的是證明自己「香港人」身份,於今屆雅加達亞運做個真.香港飛魚!■圖:王藝霖/文:袁志浩

在香港出生的Kenneth自兩歲起便隨父母移民澳洲,卻一直對香港有情意結:「我喺屋企一直講廣東話,亦有留意港隊嘅表現,代表澳洲比賽時亦有搵港將傾偈,因為我知道呢度係我嘅根。」

直至2016年Kenneth選擇轉籍香港,尋找游泳事業的第二個機會,他笑言於港認識的女友Kelly「應記一功」,因為來港後最難適應的廣東話,亦是向女友請教,現時雖然仍半鹹半淡,不過他堅持學習:「因為平時要用囉!我知我係一個香港人,就要識寫同講廣東話。」

外界稱呼Kenneth為「入籍飛魚」,「入籍」雖無褒貶之分,可是他仍希望大眾換上「香港」一詞:「兩年嚟都喺香港練習,我唔會返去澳洲或者美國訓練,依家香港先係我屋企,我已經計劃留喺度生活。」其實Kenneth的生活與一般港人無異,閒時與女友於商場行街食飯睇戲:「呢度樣樣嘢都方便,周圍去有地鐵巴士,唔使好似澳洲咁要揸車。體院有時早餐會有蝦餃燒賣,我好鍾意食,一諗起就會自動起身。」

看似毫無煩惱,不過原來Kenneth與大部分人一樣,最困擾是土地問題。「『上車』即係咩?……哦!其實我都擔心呢樣嘢,澳洲悉尼啲樓已經好貴,但香港仲貴,希望呢幾年努力去游好啲水,遲幾年夠錢喺香港買樓啦!」

代表港隊前需過一年「冷靜期」,當時他每日重複訓練,卻被禁止出外參加大賽,有苦自己知:「練習有啲悶,游水唔係每次跳入水就好玩,好多嘢好辛苦。但每日都說服自己,只要忍一陣就可以長遠為香港比賽,諗住準備得好就會游快啲,呢個犧牲係值得。」

今屆亞運這位男神會出戰50米自、100米自、200米混及接力賽,儘管在世大運及全運會都在個人項目與獎牌無緣,他仍堅持信念:「我明白亞運對香港人意義重大,相信自己可以游到最好成績,呢個成績應該贏到牌!」除了為港爭取佳績,Kenneth亦希望為下一代帶來啟發:「我只係個好普通嘅人,但游得好破咗紀錄,啟發唔少細路仔嘅游泳夢,好開心可以做別人嘅榜樣!」

杜敬謙Kenneth
年齡:26歲
強項:自由泳、蛙泳、
   蝶泳、四式混合泳
威水史:
2017游泳短池世界盃
·俄羅斯站100米混銅牌
·德國站200米混銅牌
·荷蘭站100米混銀牌
·香港站100米混銀牌、200米混銀牌、 100米自銅牌
·新加坡站100米混、200米混銅牌
第13屆全國運動會
·男子4×100米自接力銀牌


Follow東網體育IG一齊撐本地運動員!
http://bit.ly/2EYxoRh
 

東網體育FB同你追實體壇每個精彩時刻!
http://bit.ly/2ecTF2A