【阿King】大巴變超跑！車仔咁先係踢波
20180812
東網電視
更多新聞短片
(Getty Images)
意大利人教波唔一定踢悶蛋防守足球，車仔嘅意籍新帥沙利反傳統，以進攻足球征服英倫，率領車路士首仗以3:0大勝哈特斯菲爾德。
車路士2004年由莫連奴接手領軍後，變成「藍色憂鬱」，注入防守、穩陣基因，只求贏波，唔需要好睇。雖然之後經歷多次換帥，無論係安察洛堤、干地等冠軍級名帥執教，始終改唔到防反、主守風格。
雖然成績唔錯，但比賽過程唔好睇，難免會趕客，連number one球迷、班主阿布拉莫域近年都少咗入場睇。
揀來揀去，阿布終於揀啱領隊，搵來沙利執教，沙利之前教拿玻里，已經出晒名鍾意踢進攻足球，其中2016/17年球季，拿玻里攻入94球，比冠軍祖雲達斯多17球。
車仔今場對哈特斯菲爾德，控球率達63%、有659次傳球，同以往放棄控球嘅踢法判若兩隊，車迷肯定睇得開心。
事實上，好睇同好成績係可以共存，曼城就係最佳例子，沙利依家行緊哥迪奧拿之路，將來兩軍火併，一定精彩，絕對係觀眾之福。
東網體育FB同你追實體壇每個精彩時刻！
Follow東網體育IG一齊撐本地運動員！