【東洋怪男】傻仔被Will Smith呃咗成億
20180812
東網電視
更多新聞短片
（互聯網）
本田圭佑做咗傻仔，畀美國人氣影星韋史勿夫氹咗落疊，搞個創業基金？
呢位日本國腳早前宣布，自己所屬嘅經理人公司同韋史密夫（Will Smith）間公司合作，成立一個大概1億美元（約7.8億港元）規模嘅創業基金──「夢想家基金會」（Dreamers Fund），投資美國為主嘅新興企業，連野村證券都參與其中。據講，呢個基金唔只局限喺佢兩個熟悉嘅體育同電影業務，覆蓋範圍會好廣。
本田話因為最近睇完《負債論》大受觸動，覺得羅富齊家族（Rothschild）嘅陰謀論或利率係可以控制嘅理論有用，於是就出錢出力搞個基金出嚟。
神秘猶太富商羅富齊家族，一直係反猶太主義嘅針對對象，言論多數由新納粹主義者傳播。以羅富齊家族為首嘅「國際銀行家」，自拿破崙時代借滑鐵盧戰役情報崛起，操縱世界200幾年，為咗聚歛財富，據講佢哋不惜大玩陰謀，策劃兩次世界大戰，製造經濟危機、石油危機等等，一度喺世界上翻雲覆雨。
儘管同十九世紀相比，羅富齊家族規模縮細咗好多，但依然涵蓋包括地產、金融服務、混合農業、能源、礦產、釀酒以至非盈利機構等領域，集團管理資產約1,000億歐元左右，甚至有消息話達到50萬億美元。時至今日，呢個集團仲喺北京、上海同香港三地都設有辦事處。
本田咁有大志，學習富可敵國嘅家族，本來未必係壞事，點知球迷反應不一，有人批評佢「根本唔識金融運作」，認為佢「識咗個壞朋友」，有人就話「雖然作為一個一次性嘅行為，但都令粉絲失望同擔心」，睇法竟然係負面居多。
東網體育FB同你追實體壇每個精彩時刻！
Follow東網體育IG一齊撐本地運動員！