【紅軍登場】利迷唔好開心住 艾利臣仲癲

20180812
東網電視
更多新聞短片
(Getty Images)
利物浦上季因為門將卡利奧斯喺歐聯決賽「派膠」,搞到冇咗個冠軍,今季以7100萬鎊天價收購羅馬門將艾利臣比加,堵塞呢個最大漏洞,呢位巴西神龍今晚英超(12日)主場對韋斯咸,表現自然成為焦點。
利迷梗係希望有餐安樂茶飯,輕鬆睇波,但呢個好可能只係主觀願望,因為艾利臣比加亦不時有「驚人舉動」。
例如佢之前為羅馬對克羅托內,衝出禁區,冇第一時間解圍之餘,仲玩弄腳法,連續2下剔高個波,笠過對手,控低個波,再推過另1位球員,似係想自己突破,殺上前場,但因為個波出咗界,先至打消念頭。
艾利臣比加現時人氣急升,加上係佢首場英超比賽,可能會心雄,想騷哥利,隨時搞出大頭佛。
東網體育FB同你追實體壇每個精彩時刻!
Follow東網體育IG一齊撐本地運動員!