【賽後點評】好恐怖!利物浦狂鋒沙塵暴

2018年08月12日 23:46
東網電視
更多新聞短片
(法新社圖片)

英超首輪,利物浦兵不血刃,4比0大炒韋斯咸,鋒將之強令人驚嘆。
領隊高普今場派出沙拿、費明奴、文尼傳統三叉戟組合上陣,結果文尼梅開二度、沙拿一球,加上史杜列治後備入替即入波,構成大勝。
好多人以恐怖形容利物浦今季鋒將,從本場比賽睇,文尼、沙拿形態甚佳,不斷用速度及技術威脅韋斯咸防線,除入球之外,組合進攻亦極具威脅,搞到韋斯咸防不勝防。
上賽季令歐洲列強聞風喪膽嘅三叉戟組合完全冇停歇意識,繼續釋放極大能量。
新球星方面,高普於下半場換入瑞士中場梳頓沙基利,出場後明顯為紅軍前場帶來更大活力,雖然為紅軍上陣次數仍少,但其速度及技似乎非常適合高普制訂的戰術,可以樂觀期待。史杜列治後備入替即建功,令高普於場邊笑逐顏開,事實上,若史杜列治回復佳態,當然係一把利刃,表面睇史杜列治比以往更精瘦,肌肉更結實,有力為紅軍鋒將帶來更令人恐懼、更具摧毀性力量。
今場比賽,利物浦控球比率高達64%,傳球672次。幾乎係韋斯咸兩倍,全場射門高達14次,開鑼戰已表現無比強大火力,無疑係向挑戰曼城霸主地位,發出非常有說服力一炮。