【有片】阿仙奴眼神防守返嚟喇！

即睇史達寧開齋波：https://bit.ly/2B3p0SG　

即睇貝拿度施華入波：https://bit.ly/2MFHlqt　

阿仙奴近季成績下滑，唔少人都批評過，佢哋喺名帥雲格帶領下嘅防守鬆散，齋睇唔守。正當大家以為今夏雲帥下台，改由西班牙嘅艾美利領軍，有望執番正班波防線，可惜有睇過「兵工廠」對曼城場波嘅朋友，肯定有深深體會，事關聞名嘅阿仙奴「眼神防守」又已經返晒嚟喇！

唔係講笑，今場「兵工廠」兩個失波，都被指同佢哋條防守齋用眼神防守有關，班球員都好似以為「望到就守咗」一樣。就好似史達寧為曼城先開紀錄一球，佢由禁區左路推到正中間位，沿途就只有阿仙奴守將比利連同古安杜斯輪流用「眼神」作出攔截，結果當然無阻史達寧入波啦！

至於第2球則係曼城喺前場左路由班捷文文迪落底線傳中，再由貝拿度施華喺禁區內無人看管射入。究竟點解貝拿度施華會無人看管？查實係有嘅，瑞士中場格列沙加一開始好似係喺貝拿度施華身邊追截，不過鏡頭一轉，格列沙加就只用「眼神」死追，而佢腳步卻完全跟唔上，呢種「眼神」防守術，自然令佢哋3分全失啦！

東網體育同你追實體壇每個精彩時刻！　

https://goo.gl/ewVpvE