【賽後點評】曼城半力虐殺 阿仙奴墮深淵

2018年08月13日 04:35
東網電視
更多新聞短片
(Getty Images)

上季曼城以無敵兼超班姿態贏得英超冠軍,經過一個暑假之後,新球季又正式展開。喺大部份球隊都加碼爭冠,期望能挑戰「藍月亮」嘅班霸地位,可惜,經過今晨場波,你會發現只派半力出戰嘅曼城,依家超班可怕,到最後「夫添」登場嘅佢哋,根本係冇球隊可阻。

由雲格換上艾美利領軍,阿仙奴係今季首支去嘗試挑戰「一哥」曼城嘅球隊。既然係開咧首輪已經要挑戰擂台躉,「兵工廠」今場精銳盡出,艾美利喺中場前擺出咗奧斯爾、米希達利恩及奧巴美揚嘅世界級進攻組合出戰。反觀曼城領隊哥迪奧拿,雖然都安排咗星級新兵馬列斯同史達寧雙翼齊飛,又有阿古路打正前鋒,但其實包括奇雲迪布尼、利萊辛尼同大衞施華都僅列後備,只係估佢唔到係,半力嘅「藍月亮」,原來對住強陣嘅阿仙奴一樣大超班,依然贏得輕鬆。

睇番統計數據,作客嘅曼城今場射門次數係13次,足足較主場嘅阿仙奴都多5次;而若單計射中目標,曼城更係有9次之多,足足係「兵工廠」嘅3倍,若非阿仙奴今戰有門將施治嘅神勇演出撐住,曼城今場隨時會大炒,贏得更多。再引伸落去,一旦曼城熱晒身,再以最強陣容出戰,喺「兵工廠」率先倒下之後,環顧英超,又係咪真會有球隊有能力動搖曼城冠軍位置呢?

東網體育同你追實體壇每個精彩時刻! 
https://goo.gl/ewVpvE