達史特根完場前神救 幫巴塞捧西超盃
20180813
東網電視
更多新聞短片
(法新社圖片)
今晨舉行嘅西超盃大戰，以西甲冠軍身份出戰嘅巴塞隆拿，今場雖然都有美斯同蘇亞雷斯等球星孭飛，但最終做主角卻唔係佢哋。對手西維爾開賽10分鐘就憑沙拉比亞先拔頭籌，巴塞要等到42分鐘先憑碧基入波先追得番。換邊之後，奧士文尼迪比利喺79分鐘轟入世界波，幫巴塞反超前2比1。不過，西維爾喺完場前獲得12碼，好彩巴塞門神達史特根奮勇救出，幫巴塞保住2比1勝果完場，歷來第13次捧得西超盃。
東網體育同你追實體壇每個精彩時刻！