【衰過雲格】廠迷安慰!阿迪達唔肯慶祝

20180813
東網電視
更多新聞短片
阿迪達畀哥迪奧拿(小圖右)又攬又搖都唔肯慶祝。(互聯網)
阿仙奴喺英超開咧戰主場以0:2不敵曼城,可以話完全唔夠打,對於廠迷嚟講,唯一安慰係佢哋嘅昔日隊長阿迪達,就算畀曼城領隊哥迪奧拿又攬又搖都唔肯慶祝,拒絕落井下石踩多腳。
有傳媒發現,史達寧喺比賽初段先開紀錄後,作為曼城助教嘅阿迪達面無表情冇任何慶祝動作,到貝拿度施華喺下半場拉開比數,哥迪奧拿開心到對住阿迪達又攬又搖,希望對方同佢一齊High,阿迪達都係唔願郁,似乎冇將兵工廠高層喺今個暑假放飛機,最後關頭放棄搵佢做新領隊件事放喺心,依然好尊重阿仙奴喎!
Follow東網體育IG一齊撐本地運動員!
東網體育FB同你追實體壇每個精彩時刻!