迪布尼上次重創　曼城有幾大影響？

奇雲迪布尼剛於操練中膝頭重創，雖然曼城官方未確定佢要傷幾耐，但預計起碼要抖兩至三個月，英國《太陽報》更表示或要抖到聖誕。迪布尼於2年前（2015/16球季）亦曾傷膝，當時要9周後先可復出，期間對曼城成績有幾大影響呢？

當季李斯特城完成不可能的任務，爆大冷勇奪英超冠軍，曼城當季初亦連贏5場聯賽，到季中同狐狸都絕對有得鬥。但到1月尾英聯盃曼城擊敗愛華頓一仗，迪布尼受傷要抖超過2個月，曼城於英超輸畀爭標對手李斯特城，繼後不敵熱刺同利物浦，幾乎直接宣布英超爭標夢碎，最後僅取得聯賽第4。另外於迪布尼養傷時，曼城亦於英足盃輸畀車路士而被淘汰，可見迪布尼對藍月亮有幾重要。