曼城八、九月賽程 冇迪布尼頂得住冇
20180816
東網電視
更多新聞短片
（互聯網）
奇雲迪布尼係曼城絕對主力，今季一開咧就話長抖，藍月亮球迷肯定唔開心，但使唔使搞到有得震冇得瞓呢？其實又冇咁嘅必要。曼城8月同9月，最難打嘅一仗原來就係首輪對阿仙奴，曼城作客雖然冇迪布尼打正選，但一樣輕取對手2:0。
之後曼城嘅英超賽程如下：
19/8 主場對哈特斯菲爾德
25/8 作客對狼隊
2/9 主場對紐卡素
15/9 主場對富咸
22/9 作客對卡迪夫城
20/9 主場對白禮頓
曼城嚟緊7場將會對晒三隊升班球隊，另外又會鬥哈特斯菲爾德、白禮頓同紐卡素，只要藍月亮有正式發揮，季初7連勝完全冇問題，到10月7號作客利物浦，先至會有首個考驗，但預計到時曼城已經打順條氣，就算去到晏菲路都唔驚對手。
另外曼城唔係一人球隊，而且中場有大衞施華、貝拿度施華、根度簡等好手，迪布尼受傷係可惜，但絕非世界末日。
東網體育FB同你追實體壇每個精彩時刻！