兜頭勁踢拉莫斯 迪哥贏盃兼攞彩
20180816
東網電視
更多新聞短片
（互聯網）
馬體會加時4:2擊敗死敵皇馬捧盃，前鋒迪亞高哥斯達乜都贏晒，梅開二度做頭號功臣之餘，仲徹底K.O.對手隊長沙治奧拉莫斯！迪哥今仗正選落場，一開波就頂贏拉莫斯狂抽建功，跟手入埋第二球，唔係佢馬體會都冇得踢加時。另外全場又剋死天敵拉莫斯，其中一球雙方硬接一招，拉莫斯倒地後迪哥冇收腳，兜頭抽中拉莫斯個頭，堅睇到都痛！
馬德里雙雄一向勢成水火，迪哥同拉莫斯各為其主，一個前鋒一個後衞，雙方仲一樣咁硬淨，而且踢法狠辣，多年來於場上不斷短兵相接，話佢哋係天敵絕對唔過份。今戰迪哥狀態明顯勝拉莫斯一籌，一開波就攞頭威，注定今場剋死對手。迪哥今仗乜都贏晒，但西甲仲未開咧，唔單只馬德里雙雄有排鬥，呢對場上死敵亦都一樣，仲有大把機會過招，拉莫斯要報仇仲有好多機會。
東網體育FB同你追實體壇每個精彩時刻！