【皇馬災難】輸盃輸人 逼皮里茲購夏薩特
20180816
東網電視
更多新聞短片
（互聯網）
皇馬雖然於季前熱身賽表現唔曳，不過一到正式賽事就唔掂，西超盃面對死敵馬體會，雖然一度反超前2:1，不過於加時階段連失2球，被馬體會徹底K.O.，連續三屆捧歐超盃願望落空，仲反映球隊於C朗離隊後攻力下降事實，或會令會長皮里茲正視問題，斥巨資收購車路士天王夏薩特。
於C朗離隊後，曾傳出球隊會斟尼馬、基利安麥巴比或夏薩特以維持實力，但因為前二者未獲巴黎聖日耳門放人，夏薩特身價亦高達2億歐元，而令皇馬卻步。教練洛佩特吉表示，加里夫巴利可以頂替C朗位置，睇嚟都係口不對心。
今仗皇馬雖有賓施馬入波，中場推進、兩邊出波亦維持水準，但臨門一腳卻未達水平，始終冇咗C朗，皇馬攻力肯定有所不及，最後更兵敗馬體會，銀河艦隊必定知道問題所在。既然尼馬同麥巴比於現階段難以購入，為維持新屆歐聯強勢，並於西甲保持競爭力，皇馬就算覺得肉痛，都必會考慮重啟收購夏薩特議案，若最後成事，或者今次失落歐超盃係件好事。
東網體育FB同你追實體壇每個精彩時刻！