【輸爆廠】阿仙奴兩連敗 26年最差開局
20180819
東網電視
更多新聞短片
(Getty Images)
阿仙奴今季開咧首仗對曼城，次仗惡戰車路士，兩場都係硬仗，兼且雲格退位，由新主帥艾美利領軍即遇魔鬼賽程，結果不幸地兵工廠兩場輸晒，不過作為Big6球會，阿仙奴開季二連敗甚為罕見，對上一次已經係26年前。
阿仙奴上次開季二連敗係92至93球季，雲格都未做廠長，當時領隊係格拉咸，阿仙奴連敗於諾域治及布力般流浪，最終該季聯賽僅取得第10名，卻在盃賽連奪聯賽盃及足總盃。
至於對上一位阿仙奴新任領隊兩連敗，更要數到1986年嘅史蒂夫伯滕肖，佢接手後三連敗，而艾美利只係輸兩場，未破前輩紀錄。
講番今場倫敦打吡，阿仙奴過去6次作客5負，其中4場入唔到波，今場入到兩粒已經好叻，不過上季雲格領軍下同車仔打成0比0，而今次就輸喺前鋒浪費幾次黃金機會，入唔到波致敗。
東網體育FB同你追實體壇每個精彩時刻！
Follow東網體育IG一齊撐本地運動員！