食飽拉隊爆房！日本男籃集體嫖妓
20180820
東網電視
更多新聞短片
日本男籃有4個成員集體嫖妓。(互聯網)
雅加達亞運爆出大醜聞，日本男籃上星期喺分組賽以82:71搞掂卡塔爾後，球員食飽飯抵受唔住美色誘惑，集體嫖妓「慶祝」。事後日本代表團團長山下泰裕證實有4個球員要「強制返國」，包括對卡塔爾攻入全隊最高22分嘅橋本拓哉！
《朝日新聞》報道，日本男籃擊敗卡塔爾後，4個男籃成員喺晚上10點左右殺落雅加達紅燈區，由於佢哋嘅隊服大大隻字印住Japan，KTV搵咗個日本服務員招呼佢哋，介紹陪食陪玩陪瞓一條龍玩法，結果佢哋抵受唔住美色引誘，分別揀女返酒店。
日本代表團團長山下泰裕周一開記者會鞠躬道歉，怒斥嫖妓球員橋本拓哉(23歲)、永吉佑也(27歲)、佐藤卓磨(23歲)同今村佳太(22歲)違反隊規辜負國民期待，需要被即時返國。今次日本男籃玩出禍，香港男籃可能得益，兩隊喺最後1場分組賽相遇。
Follow東網體育IG一齊撐本地運動員！
東網體育FB同你追實體壇每個精彩時刻！