東網電視
更多新聞短片
（互聯網）
睇今晚德甲揭幕戰，請按東網APP頂部的直播ICON；
或按以下直播Link： http://tv.on.cc/live
今日係農曆七月十四鬼節，鬼節都唔只係恐怖嘅，搞笑亦都得喎，睇呢個「德甲鬼球」系列就肯定開心！講起鬼球，當然係第一時間諗起傑斯寧啦，呢位利華古遜前鋒於2013年德甲對賀芬咸，曾經「頂入」一個勁吊詭嘅入球，佢明明係頂入網側，但之後個波竟然出現喺網入面！
當時傑斯寧接應角球跳起頂向近柱，但可惜就唔中目標只中網側，傑斯寧都抱抱個頭，因為佢係睇住唔入㗎嘛！但好快球員就見到個波出現喺網入面，利華球員亦開始慶祝，但點解會咁呢？原來個波跌落網偷個落點，啱啱好有個窿，皮球就從中損咗入網。雖然賀芬咸之後投訴，但賽會維持賀芬咸輸1:2嘅賽果，堅冇陰公。
今晚深夜德甲新季開波，咁啱又有賀芬咸喎，今次佢哋對拜仁慕尼黑，唔知喺鬼節會唔會咁黑仔呢？梗係要睇東網直播啦！
東網體育FB同你追實體壇每個精彩時刻！
