阿仙奴高層出蠱惑 艾朗藍斯續約撻Q!

20180915
東網電視
更多新聞短片
阿仙奴同威爾斯中場艾朗藍斯嘅合約只剩唔夠1年,續約問題一直拉鋸。據英國《太陽報》報道,雙方談判上星期出現突破性進展,阿仙奴同意開出25萬鎊周薪天價新約,而且所有重點項目都達成共識,點知就快水到渠成之際,續約談判突然被叫停!
消息指阿仙奴總裁加斯迪斯係今次談判嘅負責人,不過意大利傳媒指佢可能明年1月就會過檔意甲勁旅AC米蘭,而「紅黑軍團」就一直對艾朗藍斯虎視眈眈,由於艾朗藍斯喺1月就可以自由同任何球會簽約,加斯迪斯如果想去「紅黑兵團」,當然唔想倒未來東家嘅米啦。
東網體育FB同你追實體壇每個精彩時刻!