東網免費睇 德乙德甲打孖嚟
20180916
東網電視
更多新聞短片
東網免費直播德甲及德乙。
收看直播，請按直播ICON，或按下面鏈結：
今晚狂風暴雨之夜，最好就係留喺家中搵錢。頭場科隆主場出擊，轉戰德乙之泰路迪4場波已狂轟5球，科隆實力於德乙肯定大超班，柏達邦作客例失波今場上盤極穩（on.cc東網周日晚7時30分直播）；同時間走地波前有羅馬後有狼隊，留意羅馬後防甩漏多，走地一齊搵靚時間入貨，狼隊領隊紐奴比較保守，未必容易打破般尼大門，即場搵啱出擊位置可大細盤通殺。
尾場雲達東網繼續直播，主場對紐倫堡（on.cc東網周日晚9時30分直播），主隊今季前線增兵多開季未敗，要贏升班球隊冇難度，即場下一隊入球連環注要搵出擊時機。
正本戲雲達不來梅主場對升班球隊紐倫堡，不來梅季前重手入貨增添多名攻擊球員，又克服季初門將荒困難，演出同成績都比近季季初好，遇上質次一皮，仲適應緊德甲快速節奏嘅紐倫堡，力足取得今季首場德甲勝仗，不來梅主場讓半一問題唔大，黑柴捧上盤。
不來梅季前認真組軍，高價引入愛華頓嘅荷蘭國腳卡拉臣，漢諾威前鋒夏歷，多蒙特中場組織者紐尼沙軒，仲一口氣喺科隆簽入攻擊手大迫勇也同比沙路，配合陣中質高射手麥斯古斯，鋒力值得期待，佢地首仗壓住漢諾威踢最終只和波收場，但上輪作客法蘭克福，踢到補時6分鐘憑後勁絕殺對手，士氣大振，雖然今仗有新兵紐尼沙軒帶傷上陣成疑，但回師主場依然有足夠火力爭勝。
紐倫堡今季回升德甲，但財力所限冇大規模增兵，只有荷蘭中場域基利米斯迪贊同日本中場欠保裕也較有睇頭，佢哋開季兩輪對手都偏弱，但首仗喺全場搶攻下不敵哈化柏林，上輪主場亦只能摸和另一護級份子緬恩斯，似乎仲未適應到德甲節奏，今晚作客火力更強嘅不來梅，難免處下風。 蘇斯黑柴
東網體育FB同你追實體壇每個精彩時刻！
Follow東網體育IG一齊撐本地運動員！