【人物誌】神童喎！連拿度辛捷士識入波啦
20180920
東網電視
更多新聞短片
(法新社圖片)
2016年5月，德甲勁旅拜仁慕尼黑以3500萬歐元簽入賓菲加新星連拿度辛捷士，加上佢有份協助葡萄牙捧2016年歐國盃冠軍，令人對呢位1997年8月出世嘅神童，充滿期待，甚至被睇好可以成為C朗接班人。
不過，雷聲大雨點小，連拿度辛捷士前季德甲加盃賽，僅上陣25次，而且冇波入，上季被外借去英超史雲斯，但都只係披甲15次，同樣食白果。
直至周四(20日)凌晨歐聯，呢位中場「魔人」終於開齋，協助拜仁慕尼黑以2:0擊敗佢母會賓菲加，亦係連拿度辛捷士加盟拜仁近2年半以來，首個入球，名副其實鐵樹開花。
雖然連拿度辛捷士難得入波，但佢拒絕喺母會面前慶祝，果然有情有義，希望佢入波陸續有來。
東網體育FB同你追實體壇每個精彩時刻！
Follow東網體育IG一齊撐本地運動員！