老竇做埋加蓬主帥 奧巴美揚有父幹
20180920
東網電視
更多新聞短片
(互聯網)
加蓬足總宣布，委任皮埃爾奧巴美揚擔任國家隊領隊，代替早前下台嘅甘馬曹。無錯，53歲嘅皮埃爾奧巴美揚，就係阿仙奴前鋒奧巴美揚嘅爸爸。
「老奧」球員時代都係加蓬名將，曾經為國家隊上陣80次，亦去過法國搵食，效力過尼斯等球會。
不過，「老奧」退役之後，並冇教波，主要為AC米蘭擔任球探工作，同埋做囝囝嘅經理人，依家兩父子喺國家隊拍住上，到底掂唔掂呢？大家拭目以待。
東網體育FB同你追實體壇每個精彩時刻！
Follow東網體育IG一齊撐本地運動員！