歐霸盃 砌低PAOK 車路士開季6連勝

20180921
東網電視
更多新聞短片
(法新社圖片)
英超開季5連勝居榜首嘅車路士,周五凌晨(21日)在歐霸盃分組賽首輪作客希臘PAOK,憑韋利安開賽7分鐘入波,以1比0小勝,開季累積6連勝,意大利新帥沙利上任後保持全勝戰績。
車路士今仗陣容都幾強,只有中場王牌夏薩特收起,前鋒線擺出艾華路莫拉達、柏度洛迪古斯同韋利安三箭頭,而且開賽7分鐘韋利安即有斬獲,以為可以大勝一場,但之後攻極唔入,最終保住一球勝果。
今場賽事莫拉達同柏度都好積極搶攻,各有埋門機會,可惜全部嘥晒,其後換埋基奧特落場都未能增添比數,臨完場仲有柏度同對方門將相撞受傷離場,希望佢傷勢唔係太重,以免影響英超賽事啦。
東網體育FB同你追實體壇每個精彩時刻!
Follow東網體育IG一齊撐本地運動員!