講過離隊唔算數 阿古路裝假狗續約曼城
20180921
東網電視
更多新聞短片
（曼城官方圖片）
曼城王牌射手阿古路，回心轉意續約曼城，佢會留隊直至2021年。阿根廷前鋒阿古路係藍月亮史上入波最多球員，佢早前講過，希望於完約後重返老家踢母會獨立隊，唔少曼城球迷都好唔捨得佢。經過球會一番努力，終於說服阿古路再次續約，佢今次會續約3年，即係比舊約多續12個月，到時阿古路已33歲。
阿古路近年多次表示，希望返阿古路完結佢足球生涯，仲有傳佢會於俄羅斯世界盃後離開。但曼城利用誠意，以及比現時合約更優厚條件留住阿古路。阿古路話：「我已加盟曼城7年，完成埋呢次合約，就會留隊10年，我好希望可以做到。呢個亦係我續約最重要原因。」
鬍鬚佬阿古路於簽約時笑到四萬咁口，但有球迷發現，張相入面唔係正式合約，只係配合影相而裝假狗。
東網體育FB同你追實體壇每個精彩時刻！