【有片】最離奇入波 連環後腳妙傳絕殺
20180922
東網電視
更多新聞短片
(互聯網)
即睇全場精華：https://bit.ly/2NuHXDz
周中歐洲賽事暫告一段落，有唔少比賽仍然值得球迷回味，其中有一場一般球迷未必會留意嘅，就係歐霸盃「紅牛內訌」，RB萊比錫對薩爾斯堡，呢場相當緊張刺激，最終作客嘅薩爾斯堡臨完場絕殺，贏3比2，該個入球更係非常離奇，總共經過兩位球員後腳妙傳，再由前鋒射入，組織靚到極。
成個組織由中場開始，祖奴蘇域在對於兩位球員緊迫下，於中場起後腳將個波送前，隊友沃爾夫接應，在兩個敵衞包圍下，喺禁區頂用後腳挑前，挪威射手古白蘭臣接應單刀埋門，輕易射入。
RB萊比錫同薩爾斯堡同屬紅牛贊助球隊，以班費而論萊比錫大好多，薩爾斯堡又稱紅牛二隊，今次激戰可以話係細佬打贏大佬，現時薩爾斯堡亦於B組以得失球壓過些路迪排榜首，RB萊比錫排第3，洛辛堡排第4。
東網體育FB同你追實體壇每個精彩時刻！
Follow東網體育IG一齊撐本地運動員！