【曼聯歸位】死攬山神！正選陣容提前曝光
20180922
東網電視
更多新聞短片
阿歷斯山齊士得到莫連奴(左)信任。(Getty Images)
曼聯喺英超主場迎戰狼隊前，領隊莫連奴畀咗好多貼士傳媒，佢話阿歷斯山齊士喺歐聯坐冷板後，將會重返正選陣容，相反，達洛治喺歐聯完成轉會後首次上陣後，唔會喺今場比賽落場。
阿歷斯山齊士加盟曼聯咁耐，暫時仲未表現出身價，但即使安東尼馬迪爾喺歐聯表現唔錯，寸王依然決定死攬山神，諗住靠佢幫紅魔歸位，而且佢打算要達洛治踢周中對打比郡嘅英聯盃，今場唔會預佢。另一方面，連格同路爾斯華倫西亞預計會復出，相反拉舒福特同尼曼查馬迪要停賽，同時安達靴里拉因傷仲未能夠候命。
曼聯預計正選陣容
門將：迪基亞
後衞：路爾斯華倫西亞、基斯史摩寧、域陀連迪路夫、勞基梳爾
中場：連格、保羅普巴、費特洛迪古斯、費蘭尼、阿歷斯山齊士
前鋒：盧卡古
Follow東網體育IG一齊撐本地運動員！
東網體育FB同你追實體壇每個精彩時刻！