【東網直播】史浩克拜仁互插線眼鬥捉鬼
20180922
東網電視
更多新聞短片
收看直播，請按東網APP頂部的直播ICON；或按以下直播Link：http://tv.on.cc/live
東網周日(23日)凌晨零時30分，直播德甲史浩克04主場對拜仁慕尼黑，今場比賽焦點所在，相信係雙方嘅德國國腳中場倒戈對決。
近年一直係史浩克中場命脈嘅哥列斯卡，今季加盟拜仁開季後雖然唔係場場正選，不過上陣時間已經唔少，尤其第二輪作客對史特加擔正之餘，有入波仲當選埋全場最佳球員。
加上拜仁新帥尼高高華向來鍾意起用年輕球員，喺世界盃已經成為德國主力嘅哥列斯卡，未來唔憂冇得表演。
不過佢一直係史浩克球迷嘅寵兒，今次免費投拜仁傷咗史浩克球迷嘅心，今晚重返史浩克球場，隨時畀球迷噓爆！
另一邊廂，史浩克喺轉會窗關閉前亦用咗1,500萬歐元，買入拜仁嘅德國世界盃決賽周國腳施巴斯坦魯迪，佢加盟球隊較遲，但一嚟即刻有正選踢，只可惜史浩克年輕球員多，開季又唔順，佢要時間適應球隊踢法，何況佢一向守強於攻，踢法上好難即時代替哥列斯卡。
不過今晚倒戈遇舊主，必然盡全力踢身價波，隨時會有唔少機會同哥列斯卡埋身肉搏添！
東網體育FB同你追實體壇每個精彩時刻！
Follow東網體育IG一齊撐本地運動員！