VAR＋門楣救番皇馬！行運超人保佑
20180923
東網電視
更多新聞短片
馬高阿辛斯奧嘅入球原本被判食詐胡。(美聯社圖片)
皇家馬德里喺西甲主場以1:0搞掂愛斯賓奴，可以話有行運超人保佑，因為馬高阿辛斯奧喺入球起初被判越位，好在VAR發功推翻球證原本嘅決定，加上對手嘅保查艾利斯亞斯欠運笠射中楣，造就皇馬飽食驚風散全取3分。
完半場前4分鐘，馬高阿辛斯奧接應莫迪歷禁區頂斜線窄位射入，點知球證話佢越位在先，好彩嘅係，最後球證靠VAR證實馬高阿辛斯奧冇越位，判番入球有效。踢到65分鐘，沙治奧拉莫斯後場控甩腳，益咗保查艾利斯亞斯有機會殺入禁區笠射，如果唔係佢欠運射中楣，皇馬能唔能夠贏波好難講。
Follow東網體育IG一齊撐本地運動員！
東網體育FB同你追實體壇每個精彩時刻！