奧巴美揚生性 病父拒做加蓬領隊
20180923
東網電視
更多新聞短片
加蓬足總早前宣布，正式委任陣中王牌前鋒奧巴美揚嘅爸爸Francois做領隊，不過奧巴美揚隨即喺社交網炮轟：「你哋同全世界宣布，我爸爸將會成為國家隊主帥，但係你哋根本冇得到佢同意！足總主席的確曾經打電話畀爸爸，但佢根本冇理會我爸爸依家有病，爸爸話要再考慮，你哋就等唔切對外宣布，依家爸爸拒絕你哋邀請。」
加蓬足總亦發聲明證實「擺烏龍」，足總表示因為受到國家體育部壓力，要求盡快落實領隊人選，而足總主席同奧巴美揚爸爸講完電話後，覺得「好有信心」佢會答應，所以就提前宣布喎！
東網體育FB同你追實體壇每個精彩時刻！