【不斷更新】阿仙奴2球輕取愛華頓
20180924
東網電視
更多新聞短片
(法新社圖片)
[0:53]全場打完，阿仙奴淨勝愛華頓2比0。兵工廠今場發揮出色，全場佔盡優勢，最終靠拿卡迪錫同奧巴美揚各建一功，輕鬆取勝，聯賽錄得4連勝，連歐聯計更係5連勝添！
[0:43]85分鐘，愛華頓反擊，米高堅尼禁區左路窄位射中眉角，仲係落後兩球。
[0:18]3分鐘後，阿仙奴一次反擊，奧斯爾突破越位三打一右路傳中，艾朗藍斯跣腳再以後腳交畀明顯越位嘅奧巴美揚，後者近門第一時間熨遠柱入網，兵工廠靠個離譜問題球贏到2比0。
[0:15]56分鐘，阿仙奴進攻，拿卡錫迪禁區邊接應艾朗藍斯妙傳，禁區邊左路右腳彎死角入網，領先1比0。
[0:04]下半場正式開波，繼續為阿仙奴同愛華頓打氣！
【半場完】阿仙奴上半場谷唔起，更加唔好彩係中堅柏柏斯達夫普路斯傷出。作客嘅愛華頓表現好有拼勁，前鋒李察利臣3次射門都好有威脅，禾確特倒戈表現落力，愛華頓下半場隨時可以先開紀錄。
【23:45】李察利臣禁區左路起腳高出。
【23:39】阿仙奴中堅柏柏斯達夫普路斯傷出，由洛賀丁入替。
【23:31】盧卡斯迪治尼主射罰球，被施治撲出。
【23:29】李察利臣又起腳，僅斜出。
【23:21】李察利臣禁區頂勁抽，被施治救出。
【23:12】蒙利爾近門勁射，竟然被比克福特撲出。
【23:00】阿仙奴主場對愛華頓開波。
【全場完】車路士可能受上場歐霸盃回程航班延誤1日影響，今場表現打折扣，冇乜具威脅埋門，反而有幾次差些少被韋斯咸攻破防線，車仔可以執番1分，已經算好彩。
車路士打和0:0韋斯咸之後，今季英超5連勝走勢終止，意味得番利物浦1支6戰全勝球隊，穩坐榜首。
至於11點開波嘅阿仙奴主場對愛華頓，已經有正選陣容。
阿仙奴正選陣容（4231）
門將：1施治
後衞：2比利連、20梅斯達菲、5柏柏斯達夫普路斯、18蒙利爾
中場：11盧卡斯托拉拿、34格列沙加
攻中：8艾朗藍斯、10奧斯爾、14奧巴美揚
前鋒：9拿卡錫迪
愛華頓正選陣容（4231）
門將：1比克福特
後衞：43莊祖堅尼、4米克堅尼、5葛特蘇馬、12盧卡斯迪治尼
中場：17伊祖沙古爾、26湯姆戴維斯
攻中：11禾確特、10基菲爾施古臣、30李察利臣
前鋒：29卡維特利雲
【22:16】巴克利勁射，被法比安斯基飛身撲出。
【22:03】耶莫蘭高近門頂出界，韋斯咸錯過入波黃金機會，仲係0:0。
【22:02】大衞雷斯主射罰球，被法比安斯基接實。
【21:55】車仔中堅魯迪格傷出，由加利卡希爾入替。
【21:53】艾華路莫拉達近門起腳，被法比安斯基擋出。
【21:51】車仔由艾華路莫拉達換入基奧特，艾華路莫拉達上場歐霸盃表現備受批評。
【21:41】車路士開出角球，大衞雷斯頂高。
【21:37】耶莫蘭高扣入中路起腳僅高出，似模似樣。
【21:31】下半場開波。
【半場完】上半場打和0:0，車路士雖然佔有較多控球時間，但只有尼高路簡迪頭槌攻門，較有威脅，而且行軍速度比較慢，似乎有疲態。韋斯咸有兩次反擊，甚有威脅，車仔下半場真係要小心。
【21:14】尼高路簡迪頭槌攻門僅出界，車仔上半場最有威脅攻門。
【21:01】米查利安東尼奧近門起腳，被阿列沙巴拿加擋出。
【21:00】米查利安東尼奧禁區內射門高出，韋斯咸反擊有料。
【20:56】高華錫近門起腳，被對手擋出。
【20:52】麥克盧保射門出界。
【20:42】夏薩特起腳，又被法比安斯基接住。
【20:39】車路士開出角球，基奧特射門食唔應，被門將法比安斯基接實。
【20:30】比賽開始。
周日(23日)晚英超倫敦雙雄分途出擊，頭場8點30分開波，車路士作客韋斯咸，車仔今季同利物浦咬住上，紅軍早1日贏波後，保持聯賽6戰全勝。
同樣係長勝軍嘅車路士梗係唔可以失威，今場點都要全取3分，同利物浦睇齊。大家拭目以待，睇下英超會唔會出現2支6戰全勝球隊嘅世紀盛況。
尾場11點開波嘅阿仙奴主場對愛華頓，兵工廠漸入佳境，聯賽加盃賽已4連勝，加上佢哋近5次主場對愛華頓，獲得全勝，似乎有機會再下一城。
韋斯咸正選陣容(4141)
門將：1法比安斯基
後衞：5薩巴列達、23伊沙迪奧普、4法比安巴貝拿、26馬蘇亞古
防中：41迪格蘭賴斯
中場：8菲臘安達臣、14奧比安、16麥克盧保、30米查利安東尼奧
前鋒：20耶莫蘭高
車路士正選陣容(433)
門將：1阿列沙巴拿加
後衞：28艾斯派古達、2魯迪格、30大衞雷斯、3馬高斯阿朗素
中場：7尼高路簡迪、5佐真奴費路、17高華錫
前鋒：22韋利安、18基奧特、10夏薩特
東網體育FB同你追實體壇每個精彩時刻！
Follow東網體育IG一齊撐本地運動員！