冇鬚美斯更Man！屈機式連過3個
20180924
東網電視
更多新聞短片
美斯有球王級表現。(美聯社圖片)
巴塞隆拿喺西甲主場以2:2打和基羅納，雖然失咗2分，但美斯嘅球迷應該睇得好開心，因為佢剃鬚後反而更Man，唔止表演屈機式連過3個，先後紀錄後仲試過罰球射中楣，加上佢不滿球證執法水準，賽後拒絕同對方握手，粉絲自然瘋狂畀Like。
開波12分鐘，美斯喺禁區頂攞波後，加速推橫連續擺脫對方3個球員，期間有2個對手畀佢扭到跌低，就算佢嘅射門喺柱邊出界，依然令到魯營球迷拍爛手掌，7分鐘後，佢更加接應維達爾橫傳近門射入為巴塞領先。
隨後巴塞有基文迪朗格勒被趕出場，不過美斯繼續嚟料，佢喺換邊後15分鐘罰球射中楣，比賽尾段佢強行突破被剷跌，見到球證冇表示發晒脾氣，網友覺得佢唔止為自己，仲係為爭議性被逐嘅基文迪朗格勒出頭，賽後佢仲拒絕同球證握手添！
Follow東網體育IG一齊撐本地運動員！
東網體育FB同你追實體壇每個精彩時刻！