普巴終極叛變 公開插寸王戰術！
20180924
東網電視
更多新聞短片
保羅普巴傳聞同莫連奴不和。(Getty Images)
曼聯喺英超主場被狼隊逼和1:1後，領隊莫連奴發脾氣鬧球員冇態度冇鬥心，點知佢有佢鬧，保羅普巴反而疑似不滿寸王嘅戰術，公開話紅魔喺主場踢得唔夠進取。到底係咪鬧莫連奴，曼迷自己睇嘞。
保羅普巴咁話：「當我哋喺主場作戰，應該進攻進攻再進攻，呢度係奧脫福，我哋要令對手感到恐懼。我唔係領隊，有啲說話唔講得，但作為球員，我覺得我哋應該踢得更好，跑動更多，依家我哋喺主場得4分，明顯唔夠。」
當被問到係邊個令曼聯不斷進攻，普巴話：「唔可以講，因為我只係個球員，總之唔係我。」咁你覺得紅魔鬼夠唔夠速度同跑動時，佢就笑住咁答：「我唔係領隊，點可以講。明顯地我哋應該表現出更多可能性，但我唔可以決定，因我只係球員。呢個只係我諗法---曼聯一定要有更佳表現。」上季曼聯作客以0:2不敵熱刺，保羅普巴已經試過喺比賽中疑似質疑寸王嘅戰術，大家點睇？
Follow東網體育IG一齊撐本地運動員！
東網體育FB同你追實體壇每個精彩時刻！