【普巴不爽】有人話佢最大嘅罪係......
20180924
東網電視
更多新聞短片
保羅普巴被桑拿士(圓圖)批評未盡全力。(Getty Images)
曼聯喺英超主場以1:1打和狼隊後，又傳出保羅普巴不滿領隊莫連奴嘅戰術唔夠進取，雖然法國教頭迪甘斯最近開聲撐佢，覺得佢唔係自我中心嘅人，不過執教過利物浦嘅桑拿士就話，保羅普巴根本冇資格埋怨，佢最大嘅罪係比賽中冇盡全力。
當被問到占士米拿同保羅普巴邊個踢得好，桑拿士咁講：「毫無疑問係占士米拿，佢係你唔想面對嘅球員，而且比賽投入感好強。保羅普巴的確有天賦，而且進攻比較好，不過佢會畀空間對手發揮，我開始明白莫連奴，同意保羅普巴喺球場上冇盡全力，咁簡直係犯罪。」
Follow東網體育IG一齊撐本地運動員！
東網體育FB同你追實體壇每個精彩時刻！