港超聯　傑志變陣迎戰東方龍獅

傑志按次收費觀看直播：　http://tv.on.cc/kitchee/　

中秋節公眾假期最佳節目，當然是入場睇好波啦！「中銀人壽香港超級聯賽」周二（25日）上演2場好戲，頭場下午2時30分假青衣運動場上演，由日前殺入「高級組銀牌賽」8強的夢想FC與和富大埔交鋒；下午5時30分於旺角大球場則爆發宿敵對決，由上季「3冠王」傑志鬥東方龍獅。

颱風「山竹」除令傑志上周對富力R&F的聯賽延期舉行外，賽馬會傑志中心亦慘遭風雨蹂躪至無法如常運作，主教練朱志光直言要「打游擊」練波，或多或少會帶來一些影響︰「雖然情況唔算係最差，但有啲從天堂跌落地獄嘅感覺，好彩可以短時間內修正到，嚟緊將軍澳訓練基地開埋，可以短期內幫我哋解決搵場地練波呢個問題。」

此外，「藍鳥」目前還受到傷兵問題困擾，費蘭度和盧卡斯兩名進攻主力都有傷在身，林恩許亦都上陣成疑。不過「朱Sir」認為，球員心態比起傷患問題更為關鍵︰「前線有兩個球員受傷都幾大影響，調節球員心理係我當前急務，我唔想球員去諗受到咩影響或者練波唔慣等等，幸好傑志嘅球員都係身經百戰嘅，同埋大家夾咗咁耐，彼此都好清楚大家諗法，所以我都唔太過擔心。」

今季重新出發的東方龍獅，在首周聯賽以3比2反勝富力R&F，惟因國際賽期，加上颱風影響，已3周沒有正式比賽，期間球隊雖曾與佳聯元朗、冠忠南區拍跳，但主教練陳婉婷坦言對比賽狀態有影響︰「始終開季到依家我哋唔係好夠比賽，不過傑志都面對相同情況，所以我哋會喺訓練上做番足啲，亦踢咗幾場友賽，盡量保持好嘅士氣同狀態去迎接呢場大戰。」

雖然近幾次交手東方龍獅都未能取勝，但「牛丸」認為應該向前看，她說：「過去已經過去，每支球隊任何時間、任何配搭都係一個新嘅組合，冇需要去比較，亦冇需要為自己增添一個包袱。我哋全心全意去踢好每場比賽，就算對方有好多傷兵，咁又點？我唔相信佢哋會因為某一至兩個球員而影響成隊波。我哋最緊要做好自己，踢番對富力嗰場嘅鬥志出嚟，我哋對今場好有信心。」東方龍獅目前只有黃梓浩一員傷兵，其餘球員均可候命。（on.cc東網周二下午5時30分直播）