港超聯　首演做到嘢！「林林」：希望陸續有

為夢想FC射2比2的彭林林，建功後表現激情，第一時間衝向後備席與教練團和後備球員擁抱，賽後他表示：「始終第一年，希望爭取更多上陣機會，好多謝教練團肯畀機會我試。」

至於夢想FC主教練梁志榮指：「其實每場波佢哋都知自己需要啲咩，每個人都好落力去走多步，爭取入波。上半場我哋開局好好，只係入唔到波，開心嘅係依家多個彭林林畀大家寫下。」

對於取得入球的彭林林，他謂：「彭林林喺駿其嗰陣已經有踢預備組，呢兩年跟『冼Sir』（冼家裕）踢丙組聖約瑟，喺泰國集訓嗰陣都畀佢試，但就唔係前鋒。後來諗諗下佢嘅態度、身體質素已經準備好踢港超，機會其實都要佢自己爭取，如果嗰下佢唔跑入去，唔攞個波，唔放膽射波，可能就唔會出現呢個入波，希望佢慢慢進步。」