勇士「五巨頭」登場 古辛斯：我依家已發癲
20180925
東網電視
更多新聞短片
（美聯社圖片）
金州勇士強勢回歸！爭取衞冕NBA總冠軍的勇士，今屆擺出「五巨頭」更加厲害，「咖喱」史提芬居里、杜蘭特、奇利湯臣、積蒙格連及古辛斯在傳媒日亮相，表示今年爭冠軍更加困難。
史提芬居里坦言：「冇嘢係永恒，我哋一定要繼續努力，我哋都知道，聯盟裡面每個人都衝着我哋而嚟，但呢個夏天我哋準備得好好。」
杜蘭特稱:「我哋全部都係出色球員，我哋知道點樣去打好每場比賽，我相信古辛斯加盟，對我哋成支球隊更有效。」
至於新加盟勇士的古辛斯則表示要為球隊全力爭勝：「我嘅職責就係再加強力度，認真講，我依家就似一個狂人，我要將呢支球隊、同埋我哋所有嘅潛力發掘出來。」
東網體育FB同你追實體壇每個精彩時刻！
Follow東網體育IG一齊撐本地運動員！