睇路呀！曼城準備用19歲小將把關
20180925
東網電視
更多新聞短片
(互聯網)
周三(26日)凌晨英聯盃第3圈，上屆冠軍曼城將會作客甲組仔牛津聯，曼城領隊哥迪奧拿口口聲話要贏晒本土賽事錦標，但英國各大媒體都話佢今場好大機會進行輪換陣容，包括搵19歲門將艾利真歷梅歷治擔任正選。
曼城要爭歐聯、英超、英足盃、英聯盃，4線作戰難免要輪換陣容，特別係對住低組別球隊，更加要畀主力休息，派二線兵上陣。
事實上，哥迪奧拿上屆英聯盃，一直以副選門將哥迪奧巴禾把關，連決賽都係，但呢位智利國腳養傷，預料哥帥今場會試用艾利真歷梅歷治正選把關。
身高1米98嘅艾利真歷梅歷治係黑山U21小國腳，季前曾被外借去荷甲球隊NAC，但因為哥迪奧巴禾受重傷，於是將佢收番。艾利真歷梅歷治近5場都獲列為後備，今場機會來了。
東網體育FB同你追實體壇每個精彩時刻！
Follow東網體育IG一齊撐本地運動員！