一月再斟葛斯？高普咁樣答
20180926
東網電視
更多新聞短片
（互聯網）
利物浦本季踢到曉飛，連歐聯開季七連勝，現時穩佔英超榜首。雖然埃及文明鋒線攻力一流，兩個替補梳頓沙基利同史杜列治亦對對辦，但如果一月再搵埋馬里奧葛斯過檔，紅軍鋒線將會更加恐怖！於英聯盃惡鬥車路士嘅記者會中，領隊高普對一月收購葛斯嘅傳聞作出回應。
「講真，呢個時候根本唔應該答呢個問題。只可以講，如果我有嘢想同葛斯講，我會私底下打畀佢，我只會講咁多。」據知目前高普已對葛斯失去興趣，於冬季轉會窗唔會作出收購。高普執教多蒙特時一身捧紅葛斯，令到後者有機會做世界盃捧盃功臣，但呢個前鋒轉會拜仁後不受重用，到16年高普曾出手，想將佢帶到晏菲路，但葛斯選擇重返多蒙特。
東網體育FB同你追實體壇每個精彩時刻！